कमलाको दोहोरी सुनेपछि प्रकाश सपूतले लेखे यस्तो मन छुने स्टाटस

कमलाको दोहोरी सुनेपछि प्रकाश सपूतले लेखे यस्तो मन छुने स्टाटस

0 Shares

धादिङकि ११ बर्षिया कमला घिमिरे अब्बल दोहोरी गाएर अहिले चर्चामा आएकी छिन् । केही दिन अगाडि दोहोरी गाउनकै लागि गृहजिल्लाबाट काठमाडौं सम्म आएकी कमलालाई अन्तरवार्ता दिन भ्याइनभ्याई भयो, उनि लोकप्रिय कार्यक्रम इन्द्रेणीमा पनि पुगिन् ।कृष्ण कंडेलले सञ्चालन गर्दै आएको इन्द्रेणी कार्यक्रममा पुगेर वरिष्ठ लोक तथा दोहोरी गायक राजु परियार सँग गाएको दोहोरी अहिले युट्युवमा शिर्ष स्थानमा छ ।उक्त दोहोरी सुनेर कलाकारहरुले कमलाको तारिफ गर्दै शुभकामना ब्यक्त गरिरहेका छन् । चर्चित गायक तथा सर्जक प्रकाश सपूतले पनि कमलाको तारिफ गर्दै एक स्टाटस् लेखेका छन् ।

पढौ :

हो ! दोहोरी, दोहोरी जस्तो हुनुपर्छ सबैले मन पराउछन । जेनेरेशन को के कुरा ? भेग को कुरा ? नपत्याय हेर्नुस त ? ईन्द्रेणिको यो अंक ट्रेन्डिङ र भ्यु मात्र होईन लाईक कमेन्ट र सेयर । वा । कमला घिमिरेलाई हार्दिक स्वागत र धन्यबाद । तिम्रो आगमनले अर्को ५ दशक दोहोरी मर्दैन । तिमीले मात्रै गायौ भनेपनि पुस्ताको प्रतिनिधित्व हुनेछ । तिमीलाई तिम्रा उमेरका पुस्ताले पछ्याउनेछन । सुन्नेछन , सिक्नेछन । तिमी पछि फेरी तिमी भन्दा सानी कमला आउनेछिन । र यो अमुल्य दोहोरी संस्कृति रहिरहनेछ अजम्बरी ।

हामी बेकार सतहि बहस गर्छौ मात्रै । पहिला गाउ गाउको मन जितेर एउटा गित रेकर्ड गर्न महिनौ हिडेर मिडियामा आएका सम्मानित अग्रजहरु हुन वा सिधै मिडियामा आएर गाउ गाउको मन जितेकी कमला हरु । अलौकिक समयले सिर्जना र कलाकारहरु जन्माईरहेको हुन्छ। हामीले ग्रहण गर्नु पर्छ । स्विकार्नुपर्छ । हावा, पानी, घाम , जुन स्विकारे जस्तै । घाम को ताप खिचेर घामबाट बिजुले निकाले जस्तै कहिले काहि दोहोरी मा समय सुहाउदो प्रयोग गर्दा र परिमार्जन गर्दा कसैले टाउको दुखाउनै पर्दैन । सोलारले घाम सक्छ र ?

अ साच्चि कमला नानी ।! हुनत ठुली हुदै जादा अझै निखारिदै जाउली, मैले दोहोरी खेल्दा अग्रज रमेश बिजि दाईहरुले भनेको कुरा तिम्लाई भन्छु काम लाग्न सक्छ – प्रत्यक टुक्काको ठाडो जवाफ दिदा प्रसंग त्यहि सकिन्छ । दोहोरी खेल्नु भनेको जवाफ दिनु मात्रै होईन, सवाल गर्नु पनि हो ।अलिकति अरुलाई अगाडि जान दिनु पनि हो, फेरी अर्को टुक्कामा आफुले उछन्नु हो । अब दोहोरी खेल्दा बाटो छोडेर पनि खेल्नु है । तिम्रो आत्मविश्वासको फ्यान भए मत । धेरै धेरै शुभकामना । अनि राजु परियार दाई ? । तपाई त सधै किङ नै हो । यो दोहोरीमा तपाईको धैर्यता र शब्दहरु उफ़ । नानीको उमेर र अनुभव सुहाउदो कति स्वस्थ र सरल दोहोरी गाउन सक्नु भएको । तपाई सधै आदरणिय हुनुहुन्छ ।

धेरै पछि पुरै दोहोरी हेरेको, पुरै फिलिङस मा । मज़ा आयो ।

Leave a Reply

Your email address will not be published. Required fields are marked *