२२ वर्षीया कमलाले जन्माइन  तिम्ल्याहा शिशु, अार्थिक अभावमा उपचार भएन

२२ वर्षीया कमलाले जन्माइन तिम्ल्याहा शिशु, अार्थिक अभावमा उपचार भएन

357 Shares

म्याग्दी– धवलागिरि गाउँपालिका–७ हिलापोखरीकी २२ वर्षीया कमला परियारले आफूले जन्माएका तिम्ल्याहा शिशुको आर्थिक अभावका कारण उपचारमा समस्या भएपछि सहयोगका लागि अपिल गरेकी छन्।

परियारले सोमबार पोखराको मणिपाल शिक्षण अस्पतालमा दुई छोरा र एक छोरीलाई जन्म दिएकी थिइन्। कमलाको स्वास्थ्य अवस्था सामान्य रहे पनि अति सघनकक्षमा राखिएका तीन बच्चाको उपचारका लागि आर्थिक समस्या भएको उनका श्रीमान् राजु परियारले बताए।

कमलाले जन्माएका एउटा छोराको तौल साढे तीन किलो, अर्को छोरोको तौल साढे दुई किलो तथा छोरीको तौल ८०० ग्राम रहेको छ।

तिम्ल्याहा बच्चाको उपचारका लागि टोल सुधार समितिले सोमबार हिलापोखरी, ताकम, शिवाङ र काफलडाँडामा घरदैलो गरी करिब ६० हजार जुटाएको समितिका अध्यक्ष राम्जी मल्लले जानकारी दिए।

Leave a Reply

Your email address will not be published. Required fields are marked *